Fasteignasalan TORG í samstarfi við NovusHabitat kynnir glæsilega villu með 3 svefnherbergjum, kjallara og einkasundlaug í hinu eftirsótta Santa Rosalia Lake and Life Resort á Costa Cálida.

Um er að ræða nútímalegt og vandað nýbyggingaverkefni á einstökum stað innan þessa vinsæla og lokaða íbúðasvæðis þar sem öryggi, næði og lífsgæði fara saman.

Santa Rosalia Lake and Life Resort hefur vakið mikla athygli fyrir einstaka uppbyggingu í kringum stórt manngert lón í strandstíl með kristaltæru vatni og fjölbreyttri afþreyingu. Á svæðinu er meðal annars strandbar, strandklúbbur með veitingastað og líkamsrækt, minigolf, göngu- og hjólreiðastígar, afslöppunarsvæði fyrir jóga og hugleiðslu auk fjölbreyttrar vatnaafþreyingar.
Þá eru fjölmargir golfvellir í næsta nágrenni og hinar vinsælu strendur við Mar Menor og bæinn Los Alcázares aðeins um 4 km frá svæðinu, þar sem öll helsta dagleg þjónusta er innan seilingar.

Villurnar eru byggðar á tveimur hæðum auk kjallara. Á jarðhæð er bjart og opið alrými þar sem stofa, borðstofa og eldhús mynda samfellda og fallega heild með stórum gluggum sem opnast út á yfirbyggða verönd og einkasundlaugarsvæði. Á þessari hæð er einnig eitt svefnherbergi og fullbúið baðherbergi. Á efri hæð eru síðan tvö rúmgóð svefnherbergi, bæði með sér baðherbergi og útgengi út á verönd. Í kjallara er fjölnota rými sem hægt er að nýta á ýmsa vegu eftir þörfum, til dæmis sem sjónvarpsherbergi, líkamsrækt, leikrými, vinnuaðstöðu eða gestasvæði, og mögulegt er að sérsníða það frekar gegn aukagjaldi, allt eftir byggingarstigi.

Eignirnar eru hannaðar með áherslu á nútímalegt yfirbragð, gæði og þægindi og innifela meðal annars uppsetningu fyrir loftræstikerfi, inni- og útilýsingu, einkasundlaug, útisturtu og bílastæði á lóð. Hér er því um að ræða afar vel útfærð einbýlishús á einum eftirsóttasta stað svæðisins þar sem auðvelt er að njóta bæði afslöppunar og virks lífsstíls allt árið um kring.

Fasteignasalan TORG og NovusHabitat veita aðstoð við alla þætti kaupferlisins, þar á meðal tengingu við banka, lögfræðinga og þjónustuaðila á Spáni, og tryggja þannig einfalt og öruggt ferli fyrir kaupendur. Athygli er vakin á því að verð í íslenskum krónum er áætlað viðmið miðað við gengi á hverjum tíma. Endanleg viðskipti fara fram í evrum (EUR) og getur gengi haft áhrif á heildarkostnað.

Ferlið er einfalt; þú segir okkur hverju þú leitar að og við aðstoðum þig við að finna rétta eign. Við skipuleggjum skoðunarferðir og tökum að hluta þátt í kostnaði vegna þeirra, verði af kaupum. Við kaup á nýbyggingum á Spáni leggst almennt 10% IVA (spænskur virðisaukaskattur) ofan á kaupverð. Auk þess má gera ráð fyrir um 3% viðbótarkostnaði vegna stimpilgjalda, lögfræðikostnaðar og annarra gjalda, þannig að heildarkostnaður getur numið um 13% ofan á kaupverð. Við veitum aðstoð við allt kaupferlið á Spáni sem felur meðal annars í sér útgáfu NIE-númers, opnun bankareiknings og aðkomu lögfræðings. Algengt er að fjármögnun fáist hjá spænskum bönkum að hluta til, oft á bilinu 50–70% af kaupverði, háð mati á greiðslugetu.

Nánari upplýsingar veitir Elka Guðmundsdóttir, fasteignasali, í síma 863-8813 eða á netfangið [email protected]