346
219 Skoðendur
Skráð 17. ágú. 2026
Hjallahlíð 15
139.900.000 kr.
F2240733
124.800.000 kr.
84.180.000 kr.
0 kr.
Arion
banki – Reikna lán
Lýsing
Um er að ræða vel skipulagt fjölskylduhús með fjórum svefnherbergjum, bjartri stofu, sjónvarpsholi og góðu geymsluplássi. Við húsið er stór og afgirt suðurverönd með heitum potti, viðhaldslítill garður og hellulagt bílaplan með snjóbræðslu.
Staðsetningin hentar barnafjölskyldum sérstaklega vel, en skóli, leikskóli og sundlaug eru í næstu götu. Börn þurfa ekki að fara yfir umferðargötu á leið sinni í skólann. Golfvöllur Mosfellsbæjar er jafnframt í þægilegu göngufæri – eða stuttri akstursfjarlægð á golfbíl.
Eignin er skráð samtals 174,6 fm, þar af er neðri hæð 82,9 fm, efri hæð 66,6 fm og bílskúr 25,1 fm. Að auki er um 15 fm óeinangruð geymsla sem ekki er innifalin í birtum fermetrum.
Eignin skiptist í forstofu, stofu og borðstofu, opið eldhús, fjögur svefnherbergi, sjónvarpshol, baðherbergi, gestasalerni, þvottahús, bílskúr og geymslur.
Innréttingar, innihurðir og skápar eru sérsmíðuð og spónlögð með öl (elri), sem gefur heimilinu hlýlegan og vandaðan svip.
Neðri hæð
Á neðri hæð eru forstofa, gestasalerni, hjónaherbergi, þvottahús, eldhús, stofa og borðstofa.
Forstofa:
Góð og björt forstofa með rúmgóðum fataskáp. Endingargott vínylparket er á gólfi.
Gestasalerni:
Gestasalerni er á hægri hönd úr forstofu og er þar handlaug með snyrtilegri innréttingu.
Hjónaherbergi:
Rúmgott herbergi með góðum fataskápum og vínylparketi á gólfi, sem lagt hefur verið yfir eikarparket.
Þvottahús:
Rúmgott og vel útbúið þvottahús með flísum á gólfi. Þar er góð innrétting með aðstöðu fyrir þvottavél og þurrkara, skápar og ræstivaskur.
Stofa og borðstofa:
Bjart og rúmgott alrými. Á gólfi er slitsterkt 6 mm vínylparket sem lagt hefur verið yfir eikarparket. Úr stofu er útgengt á stóra og sólríka verönd til suðurs.
Eldhús:
Opið eldhús í góðum tengslum við stofu og borðstofu. Þar er vönduð og snyrtileg innrétting úr elri, gott skápa- og vinnupláss, flísar á milli efri og neðri skápa, spanhelluborð, ofn í vinnuhæð og uppþvottavél.
Efri hæð
Á efri hæð eru rúmgott sjónvarpshol, þrjú svefnherbergi, baðherbergi og geymsla.
Gólfflötur efri hæðarinnar er um 12 fm stærri en skráðir 66,6 fm, þar sem hluti hennar er undir súð.
Stigi milli hæða er með vínylparketi sem lagt hefur verið yfir eikarparket. Undir stiganum er lítil og hentug geymsla.
Sjónvarpshol:
Þegar komið er upp á efri hæð tekur á móti rúmgott hol sem í dag er nýtt sem notalegt sjónvarps- og fjölskyldurými. Rýmið hentar einnig vel sem leiksvæði, vinnuaðstaða eða leskrókur.
Svefnherbergi:
Á efri hæð eru þrjú rúmgóð svefnherbergi með vínylparketi á gólfum.
Baðherbergi:
Rúmgott baðherbergi með flísum á gólfi, upphengdu salerni, baðkari, sturtuklefa og snyrtilegri innréttingu.
Við hlið baðherbergisins er lítil geymsla með hurð fram í holið.
Bílskúr og geymsla
Bílskúrinn er 25,1 fm og er þar vaskur með heitu og köldu vatni, innrétting, skápur, ljósleiðari og rafdrifinn bílskúrshurðaopnari.
Úr bílskúrnum er innangengt í um 15 fm óeinangraða geymslu sem ekki er innifalin í skráðri fermetratölu hússins.
Geymslan býður upp á mjög gott aukarými og úr henni er útgengt beint á pallinn og í garðinn.
Lóð og umhverfi
Við húsið er stór og falleg afgirt verönd til suðurs með heitum potti – sannkallaður sælureitur fyrir fjölskylduna á góðviðrisdögum.
Í framhaldi af veröndinni er hellulagður og viðhaldslítill garður með fallegum blómabeðum. Ekkert gras er á lóðinni og því þarf ekki að verja sumrinu í grasslátt.
Fyrir framan bílskúrinn er hellulagt bílaplan með snjóbræðslu.
Hjallahlíð 15 er fallegt, steypt og kvarshúðað fjölskylduhús á eftirsóttum og barnvænum stað í Mosfellsbæ.
Hér sameinast rúmgott húsnæði, gott skipulag, skjólgóður suðurgarður og einstök staðsetning fyrir fjölskyldufólk.
Eignin getur verið laus fljótlega.
Fyrir nánari upplýsingar hafið samband við:
Helgafell fasteignasala - Sími 566 0000
Rúnar Þór Árnason, lgf., [email protected]
----------------------------------------------------------
Heimasíða Helgafells fasteignasölu
Facebook síða Helgafells
- Hafðu samband og við gerum söluverðmat á eign þinni, þér að kostnaðarlausu -
Gjöld sem kaupandi þarf að standa straum af vegna kaupa á fasteign:
1. Stimpilgjald af kaupsamningi - 0,8% af fasteignamati fyrir einstaklinga (0,4% fyrir fyrstu kaupendur) og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - 3.800 kr. af hverju skjali.
3. Lántökugjald lánastofnunar - almennt í kringum 50þ., oft lægra eða ekkert lántökugjald fyrir fyrstu kaup. Nánari upplýsingar á heimasíðum lánastofnana.
4. Þjónustusamningur milli kaupanda og fasteignasölu - Kr. 92.380,- m/vsk.
Helgafell fasteignasala bendir kaupendum á ríka skoðunarskyldu sem kveðið er á í lögum um fasteignakaup nr.40/2002. Skorað er á kaupendur að kynna sér vandlega ástand fasteigna og nýta til þess aðstoð sérfræðinga. Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Seljanda er bent á að kynna sér tilvitnaðar lagagreinar.
Allar myndir
