952
696 Skoðendur
Skráð 6. jún. 2026
Krossalind 19
169.700.000 kr.
F2228756
153.300.000 kr.
102.950.000 kr.
0 kr.
Arion
banki – Reikna lán
Lýsing
Trausti fasteignasala og Halldór Frímannsson, löggiltur fasteignasali, kynna í einkasölu eignina Krossalind 19 í Kópavogi.
Um er að ræða einstaklega fallegt og vandað 5 herbergja parhús með bílskúr, alls 196,9 fm samkvæmt Fasteignaskrá. Eignin stendur á eftirsóttum stað og býður upp á glæsilegt útsýni, björt og rúmgóð rými, gróinn garð og fjölbreytta útivistaraðstöðu með svölum og sólpöllum í helstu áttum.
Helstu kostir:
- Glæsilegt 5 herbergja parhús á tveimur hæðum
- Bílskúr með hleðslustöð fyrir rafmagnsbíl
- Bjart og opið alrými
- Fjögur rúmgóð svefnherbergi og fjölskyldurými
- Skjólsæll sólpallur til suðurs
- Gróinn og fallega hannaður garður
- Svalir til vesturs og norðurs með fallegu útsýni
- Innangengt í bílskúr
- Frábær staðsetning nálægt allri helstu þjónustu
Við inngang tekur á móti snyrtileg forstofa með fataskáp. Þaðan liggur gangur með innangengi í bílskúr. Á hæðinni er einnig gestasnyrting með flísum á gólfi og veggjum.
Stofa og borðstofa með aukinni lofthæð mynda bjart og rúmgott alrými með fallegu parketi á gólfi og útgengi á svalir þar sem nýtur sín glæsilegt útsýni. Eldhúsið er opið inn í alrýmið, með eyju, auk útgengis á notalegar bogadregnar svalir.
Til suðurs er einstaklega skjólsæll sólpallur með vönduðum viðarpalli, skjólveggjum og sambyggðri áhaldageymslu – kjörinn staður til að njóta sólríkra daga.
Neðri hæð – fjölskyldurými og útgengi út í garð:
Á milli hæða er fallegur parketlagður stigi með geymsluplássi undir.
Á neðri hæð eru fjögur rúmgóð svefnherbergi, auk fjölskylduherbergis sem auðvelt er að nýta sem fimmta svefnherbergi eftir þörfum. Þaðan er útgengi á stóran sólpall og fallegan gróinn garð þar sem hægt er að njóta kvöldsólarinnar.
Þvottahús er rúmgott með góðu vinnuplássi, hillum og geymslum. Þar er einnig sturta og sérgeymsla. Baðherbergið er snyrtilegt með baðkari, sérsmíðaðri innréttingu og flísalögðum gólfum og veggjum.
Bílskúr og útisvæði:
Bílskúr með aukinni lofthæð er 26,2 fm með máluðu steyptu gólfi, rafmagns hurðaopnara, heitu og köldu vatni, geymslulofti og hleðslustöð fyrir rafmagnsbíla. Stórt hellulagt upphitað bílaplan.
Garðurinn er gróinn, vel skipulagður og einstaklega fjölskylduvænn. Vandaðar tröppur tengja saman efra og neðra svæði og skapa fallegt flæði milli útisvæða.
Niðurstaða:
Hér er um að ræða einstaklega vel skipulagt og vandað fjölskylduhús á vinsælum stað í Kópavogi þar sem stutt er í þjónustu og útivistarsvæði. Eign sem sameinar rúmgóð fjölskyldurými, fallegt útsýni og glæsilega útiaðstöðu á einstaklega aðlaðandi hátt.
Nánari upplýsingar veitir Halldór Frímannsson, löggiltur fasteignasali, í síma 660-5312 eða á netfangið [email protected].
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Skoðunarskylda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Trausti fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.
Allar myndir
